Euskadi aitzindaria izan zen Espainiako estatuan Teknologia Parkeak ezartzeari dagokionez, eta, egun, jada, lau parke daude. Horiek, hain zuzen, Sare koordinatu batean elkartu dira, eta Europako sare sendoenetako bat osatu dute; gainera, hazkunderako ahalmen handia du.

Bere diseinua toki guztietan Teknologi Parkearen definizioan onartzen den ereduan oinarritzen da. Bertan, bikaintasun enpresak, Unibertsitateak eta Ikerketa eta Teknologia Transferentziarako Zentroak egoten dira, eta, haiekin batera, ingurumenaren aldetik kalitate maila handiko ingurune jasangarriak, guztiarekin, Zientzia, Teknologia eta enpresa integratzeko inguru egokia osatuz.

Igaro den denboran finkatu egin da Teknologi Parkeen errealitatea, agente proaktibo gisa, Euskadiko garapen teknologikoari eta berrikuntzari oso modu garrantzitsuan lagundu diotenak, unibertsitateen, ikerketa erakundeen, enpresen eta merkatuen arteko ezagutza eta teknologia trukaketa sustatuz. Eta, aldi berean, enpresa berritzaileen eraketa eta hazkundea sustatuz, bai eta balio erantsiko zerbitzuak eta kalitate maila handiko espazioak eta instalazioak eskainiz.

Euskadiko Teknologia Parkeen Sarearen filosofiak lau parkeetako jardueren koordinazioa du oinarri, eta elkarren osagarri diren arlo teknologikoetara bideratutako estrategia du. Horrez gain, telekomunikazioen Intraneta dute, parke horietan jardunean dauden enpresa guztien arteko lotura posible egiten duena.

Teknologiaren ikuspegitik aurreratuta dauden, etorkizuneko sektoreetan ari diren, balio erantsia sortzeko gaitasun handia duten eta langileen aldetik prestakuntza maila altua erakusten duten enpresen kokagune izatea. Enpresen arteko elkarlana sustatzea; bai eta enpresa horien eta Unibertsitateen eta Teknologi zentroen artean ere. Teknologian oinarritutako enpresa berriak sortzen laguntzea, enpresen haztegien bitartez. Teknologia eta berrikuntzaren kultura inguruetara hedatzeko benetako guneak eratzea. Euskadiko industria-aniztasunari eta -berrikuntzari laguntzen dio, lau Teknologia Parkeen kokapen ezberdina dela-eta lurralde bakoitzeko industria-ehunaren ezaugarri espezifikoei erantzuten baitiete.

"Web orrialde hau indarreko legearen araberakoa dela, hain zuzen ere, uztailaren 11ko 34/2002 Legearen araberakoa, egiaztatu da, 2003ko azaroaren 1ean. Horra hor erregistro-datuak: Parkeak Elkartea-Asociación Red de Parques Tecnológicos del País Vasco izeneko elkartea honako zenbaki honekin dago inskribatuta Elkarteen Erregistroko 1. sekzioan: AS/B/12571/2006; IFK G95417382.